ანსუ ფატით "ბრაიტონი" დაინტერესდა, - იუწყება Mundo Deportivo.

კატალონიური გამოცემის ინფორმაციით, "თოლიების" მთავარ მწვრთნელს, რობერტო დე ძერბის 20 წლის თავდამსხმელი ძალიან მოსწონს. იტალიელ სპეციალისტს უნდა, რომ ანსუმანეს მის გუნდში მნიშვნელოვანი როლი ჰქონდა.

"ბარსელონას" ათიანი "ბრაიტონის" წინადადებას განიხილავს. როგორც ჩანს, ანსუ ამ გუნდის შეთავაზებას ისეთივე ყურადღებას აქცევს, როგორც სხვა მსურველებისას.

შეგახსენებთ, რომ ესპანურ პრესაში გავრცელებული ცნობების მიხედვით, ფატი ლონდონის "ტოტენჰემში" გადასვლასთანაა ახლოს. იგი "დეზებს" ერთწლიანი იჯარით შეუერთდება.

ახალგაზრდა ფორვარდი "ჩელსისა" და "ლივერპულსაც" დაუკავშირეს.