გამოცემა "Sport"-მა კატალონიის "ბარსელონას" ფეხბურთელზე, რობერტ ლევანდოვსკიზე ახალი ინფორმაცია გაავრცელა.

წყაროს ცნობით, არაბულ კლუბს პოლონელი ფორვარდის დამატება სურს.

როგორც იწერება, არაბები მზად არიან, 35 წლის შემტევის სანაცვლოდ 100 მილიონი ევრო გაიღონ.

ბუნებრივია, აზიური კლუბი რობერტს უდიდეს წლიურ ანაზღაურებას სთავაზობს.

თუმცა, სხვადასხვა გამოცემების ცნობით, ლევანდოვსკიმ ეს შეთავაზება დაბლოკა და არაბებს აცნობა, რომ მას "ბარსელონაში" დარჩენა სურს.

აქვე გეტყვით, რომ პოლონელს კატალონიელებთან კონტრაქტი 2026 წელს ეწურება.