21 წლის მაროკოელი ფეხბურთელი, აბდე ეზალზული კარიერას “რეალ ბეტისში” გააგრძელებს. ინფორმაციას ესპანური გუნდი სოციალურ ქსელში ავრცელებს.

ანდალუსიურ გუნდს ახალგაზრდა ფეხბურთელის ტრანსფერი დაახლოებით 7.5 მილიონი ევრო დაუჯდა.

კატალონიის “ბარსელონა” ეზალზულის მომავალი ტრანსფერებიდან 50%-ს მიიღებს.

ცნობისთვის, აბდე კატალონიური გუნდის აღზრდილი გახლავთ. 21 წლის ფეხბურთელი გასულ სეზონში იჯარის წესით “ოსასუნაში” ასპარეზობდა, სადაც 34 ჩატარებულ შეხვედრაში 6 გოლი გაიტანა და 2 საგოლე გადაცემა შეასრულა.