France Football-მა 2023 წლის ოქროს ბურთის 30 ნომინანტი დაასახელა.

ნომინანტთა შორის "ბარსელონას" სულ 2 წარმომადგენელი ჰყავს: რობერტ ლევანდოვსკი და ილქაი გიუნდოგანი.

ლევანდოვსკისთვის 2022/2023 წლების სეზონი "ბლაუგრანაში" სადებიუტო გახლდათ. მან ესპანეთის სუპერთასი და ლა ლიგა მოიგო, რასაც ესპანეთის ჩემპიონატის საუკეთესო ბომბარდირის ჯილდოც დაუმატა.

გაცილებით უკეთესი პოზიციის დაკავების შანსი აქვს ილქაის, რომელმაც "მანჩესტერ სიტისთან" ერთად ტრიპლეტი შეასრულა.

აქვე ვთქვათ, რომ მეკარეების ჯილდოსთვის (ლევ იაშინის სახელობის) მარკ-ანდრე ტერ შტეგენი იბრძოლებს, კოპას პრიზზე (საუკეთესო ახალგაზრდა) კი პაბლო გავი, პედრი გონსალესი და ალეხანდრო ბალდე არიან წარდგენილნი.