როგორც მოგეხსენებათ, ესპანეთის ნაკრებმა ევრო 2024-ის შესარჩევი ეტაპის მატჩში საქართველოს ეროვნული გუნდი გამანადგურებელი სხვაობით, 7:1 დაამარცხა.

შეხვედრა ისტორიული გამოდგა "ბარსელონას" 16 წლის შემტევის, ლამინე იამალისთვის, რომელმაც "ფურია როხაში" დებიუტი გოლით აღნიშნა. ამომავალმა ვარსკვლავმა პირენეელთა მე-7 გოლი შეაგდო.

რა გასაკვირია, რომ იახალი გახდა ყველაზე ახალგაზრდა ფეხბურთელიც და გოლეადორიც ესპანეთის ნაკრების ისტორიაში.

მატჩის შემდეგ ლამინემ მცირე კომენტარი გააკეთა.

"ეს ახდენილი ოცნებაა.

ძალიან ბედნიერი ვარ იმით, რომ მაროკოს ნაკრებში თამაშს ესპანეთის ნაკრებში თამაში ვარჩიე.

მადლობას ვუხდი ჩემს თანაგუნდელებსა და მწვრთნელს. ესპანეთის ნაკრებთან ერთად გასავლელი გზა გრძელი იქნება," - თქვა ლამინემ.