Mundo Deportivo-ს ჟურნალისტის, ფერან მარტინესის ინფორმაციით, "ბარსელონას" სამწვრთნელო შტაბი საყრდენი ნახევარმცველის პოზიციაზე ანდრეას კრისტენსენის დაყენებას განიხილავს.

როგორც მოგეხსენებათ, "ბლაუგრანას" შემადგენლობაში ერთადერთი ნომინალური საყრდენი ორიოლ რომეუა, რომელსაც, ცხადია, დასვენება აუცილებლად დასჭირდება.

კრისტენსენის გასაყრდენება იმისთვისაც მნიშვნელოვანია, რომ ფრენკი დე იონგი და ილქაი გიუნდოგანი თავიანთ პოზიციებზე დარჩნენ.

ეს პირველი შემთხვევა არაა, როცა ჩავი ერნანდესი ცენტრალურ მცველს მაღლა სწევს. გასულ სეზონში ეს მან ერიკ გარსიაზე გამოსცადა, თუმცა მცდელობა წარმატებული ნამდვილად არ ყოფილა.

შეგახსენებთ, რომ ლა ლიგის 4-ვე ტურში რომეუ სასტარტო შემადგენლობაში მოგვევლინა.