გადაწყვეტილია, რომ "პარი სენ ჟერმენის" იტალიელი ნახევარმცველი, მარკო ვერატი კარიერას კატარულ "ალ არაბიში" გააგრძელებს.

L'Equipe-ს თუ დავუჯერებთ, ერთ-ერთი ევროპული კლუბი, რომელმაც 31 წლის შუახაზელით დაინტერესება გამოხატა, "ბარსელონა" გახლდათ.

კატალონიურ გრანდს სურდა, რომ მარკო იჯარით დაემატებინა, "პსჟ" კი მხოლოდ მის გაყიდვაზე იყო თანახმა. აქედან გამომდინარე, ტრანსფერიც არ შედგა.

იტალიელი ნახევარმცველი ლონდონის "ჩელსისა" და მიუნხენის "ბაიერნის" რადარებზეც იმყოფებოდა.

შეგახსენებთ, რომ ვერატიმ "პსჟ-ში" 11 წელი გაატარა. პარიზელთა მაისურით მან 416 მატჩში მიიღო მონაწილეობა.