ურუგვაული "ლივერპულ მონტევიდეოს" 19 წლის ნახევარმცველს, ფაბრიციო დიაზს ევროპის წამყვან კლუბებს უკავშირებდნენ, თუმცა იგი კარიერას სხვა კონტინენტზე გააგრძელებს.

ფაბრიციო რომანოს ინფორმაციით, დიაზი კატარულ "ალ-ღარაფაში" გადაბარგდება.

კატარელები ახალგაზრდა შუახაზელის სანაცვლოდ 5.6 მილიონ ევროს იხდიან.

ეს ამბავი განსაკუთრებით დამთრგუნველია იმ ფონზე, რომ ურუგვაელით "ბარსელონაც" იყო დაინტერესებული. 

კატალონიელები იანვრის სატრანსფერო ფანჯარაზე საყრდენი ნახევარმცველის პოზიციის გაძლიერებას აპირებენ. ფაბრიციო მათთვის შეიძლება ერთ-ერთი ყველაზე რეალური ვარიანტიც ყოფილიყო, მაგრამ ფეხბურთელმა მოცდას კატარში წასვლა ამჯობინა.