"ბარსელონამ" გაბრიელ მოსკარდოსკენ პირველი ნაბიჯი გადადგა, - იუწყება Goal Brasil.

წყაროს თანახმად, "ბლაუგრანაში" სურთ, რომ ბრაზილიელი ნახევარმცველის შესახებ კიდევ იფიქრონ, სანამ "კორინთიანსს" ოფიციალურ შეთავაზებას გაუგზავნიდნენ.

"კორინგაო" 17 წლის საყრდენს 30 მილიონ ევროდ აფასებს.

აღსანიშნავია ისიც, რომ გაბრიელით ლონდონის "ჩელსიცაა" დაინტერესებული.

ცხადია, მოსკარდოს "ლურჯ-ბროწეულისფერთა" რიგებში ჩარიცხვით ყველაზე მეტად დაინტერესებული კლუბის სპორტული დირექტორი, დეკუა, რომელსაც სამხრეთ ამერიკიდან ახალგაზრდების წამოყვანისკენ აქვს გეზი აღებული.

"კორინთიანსის" ძირითადი გუნდის მაისურით ბრაზილიელს წელს 11 მატჩი აქვს ჩატარებული.