"ბარსელონამ" იანვრის სატრანსფერო ფანჯარაზე შეიძლება ჯეიდონ სანჩო დაიმატოს, - იუწყება Sport.

წყაროს თანახმად, "ლურჯ-ბროწეულისფერნი" ინგლისელი შემტევის იჯარის წესით წაყვანას ეცდებიან.

"ბლაუგრანა" 23 წლის ფეხბურთელის სიტუაციას აქტიურად აკვირდება.

შეგახსენებთ, რომ ჯეიდონს "მანჩესტერ იუნაიტედში" საქმეები არც ისე კარგად მისდის. მას ერიკ ტენ ჰაგთან ურთიერთობა დაეძაბა და ახლა გუნდისგან განცალკევებით ვარჯიშობს.

მიმდინარე სეზონში ჩატარებულ 3 მატჩში ინგლისელს თავი არაფრით გამოუჩენია.

ცნობისთვის, "ემიუმ" სანჩო 2021 წელს შეიძინა და დორტმუნდის "ბორუსიას" მასში 85 მილიონი ევრო გადაუხადა.