დღეს ცნობილმა ჟურნალისტმა ფაბრიციო რომანომ კატალონიის "ბარსელონას" ფეხბურთელის, ფრენკი დე იონგის შესახებ ახალი ინფორმაცია გაავრცელა.

მისი თქმით, ნიდერლანდელ ნახევარმცველს კლუბთან ახალი კონტრაქტის გაფორმება სურს.

როგორც ირკვევა, ფრენკი "ბარსაში" უბედნიერესია და მისი მიზანი ამ კლუბში დიდი ხნით დარჩენა და ტიტულების მოგებაა.

თავის მხრივ, "ბლაუგრანასაც" სურს 26 წლის მოთამაშესთან ახალი კონტრაქტის გაფორმება.

ცნობისთვის, დე იონგს "ბარსასთან" ამჟამინდელი ხელშეკრულება 2026 წელს ეწურება.