ნიკო უილიამსმა "ბარსელონას" ინტერესის შესახებ იცის, - იუწყება GOL-ის ჟურნალისტი მანუ პაულინიო.

წყაროს თანახმად, ახალგაზრდა შემტევის პრიორიტეტული ამოცანა ახლა ბილბაოს "ატლეტიკთან" კონტრაქტის გახანგრძლივებაა. "ბლაუგრანა" მხოლოდ სათადარიგო ვარიანტად განიხილევა.

რაც შეეხება ნიკოს ინგლისის პრემიერ ლიგაში გადასვლას, ეს 99%-ით გამორიცხულია.

შეგახსენებთ, რომ უილიამსს ბასკურ კლუბთან კონტრაქტი 2024 წლის ივლისში ეწურება. სწორედ ამიტომ გეგმავენ "სან მამესის" ბინადრები მისი ხელშეკრულების გახანგრძლივებას.

21 წლის ფეხბურთელი ჩავი ერნანდესს ძალიან მოსწონს, მაგრამ მისი ტრანსფერის განხორციელება, დღევანდელი გადმოსახედიდან, იოლი ნამდვილად არ იქნება.

ლა ლიგის მიმდინარე სეზონში ჩატარებულ 4 მატჩში ნიკოს ანგარიშზე 4 ასისტია.