"ბარსელონამ" ჟოაუ ფელიქსისა და ჟოაუ კანსელუს ფასის გაგება უკვე სცადა, - იუწყება Mundo Deportivo.

"ლურჯ-ბროწეულისფერნი" პორტუგალიელი ფეხბურთელების გამოსყიდვაზე ფიქრობენ, თუმცა, ცხადია, თუ მათი ერთსეზონიანი იჯარა წარუმატებელი გამოდგება, "ბარსა" თავს აღარ გამოიდებს.

წყაროს თანახმად, კატალონიელებს აქვთ გარკვეული ინფორმაცია კანსელუს თაობაზე. როგორც ირკვევა, "მანჩესტერ სიტი" 29 წლის მარჯვენა მცველს 25 მილიონ ევროდ დააფასებს.

რაც შეეხება ფელიქსს, "ატლეტიკო" მასში 80 მილიონ ევროს მოითხოვს.

შეგახსენებთ, რომ ორივე ჟოაუ "ბლაუგრანამ" მშრალი იჯარით დაიმატა.

კატალონიელთა მაისურით ჩატარებულ მატჩებში ფელიქსმა თავი 3 გოლითა და 1 ასისტით, ხოლო კანსელუმ - 1 გოლით გამოიჩინა.