"ბარსელონამ" ლა ლიგის მე-6 ტურის მატჩში ვიგოს "სელტა" დაამარცხა, ანგარიშით 3:2. 81-ე წუთამდე კატალონიელები ორბურთიანი სხვაობით მარცხებოდნენ, მაგრამ რობერტ ლევანდოვსკის დუბლმა და ჟოაუ კანსელუს გოლმა გამარჯვება ჩავის გუნდს არგუნა.

მიუხედავად ამ თრილერში მოპოვებული 3 ქულისა, "ბლაუგრანაში" ბოლომდე კმაყოფილები მაინც ვერ იქნებიან. ამის მიზეზი ფრენკი დე იონგის დაზიანებაა.

ნიდერლანდელმა ნახევარმცველმა ტრავმა მიიღო, რატომაც მოედანი 36-ე წუთზე დატოვა. იგი პაბლო გავიმ ჩაანაცვლა.

Sport-ის ჟურნალისტის, ტონი ხუანმარტის ინფორმაციით, ყველაფერი იმაზე მიუთითებს, რომ დე იონგის დაზიანება მძიმეა და იგი "ბარსას" ნოემბრამდე ვერ დაეხმარება.

უფრო მეტი რამის თქმა პირველი გამოკვლევების ჩატარების შემდეგ შეგვეძლება.