ლა ლიგამ სექტემბრის თვის საუკეთესოთა ჯილდოს ნომინანტები დაასახელა.

"ბარსელონას" თავკაცი, ჩავი ერნანდესი სექტემბრის საუკეთესო მწვრთნელის პრიზისთვის იბრძოლებს. "მაესტროს" კონკურენტები მიჩელი ("ჟირონა") და ერნესტო ვალვერდე ("ატლეტიკი") იქნებიან.

რობერტ ლევანდოვსკი წარდგენილია თვის საუკეთესო მოთამაშის ჯილდოზე. სხვა ნომინანტები ჯუდ ბელინგემი ("რეალი"), ტაკეფუსა კუბო ("სოსიედადი"), ინიაკი უილიამსი ("ატლეტიკი) და სავიო ("ჟირონა") არიან.

პაბლო გავი საუკეთესო 23-წლამდელის ჯილდოს მიღების კანდიდატია.

რაც შეეხება თვის საუკეთესო გოლის პრიზს, იქ ჟოაუ კანსელუს მიერ "ბეტისის" კარში გატანილი გოლია წარდგენილი.