გამოცემა "Sport"-მა კატალონიის "ბარსელონას" ფეხბურთელის, ფრენკი დე იონგის შესახებ ახალი ინფორმაცია გაავრცელა.

წყაროს ცნობით, "ბლაუგრანამ" ნიდერლანდელთან დაკავშირებით გადაწყვეტილება მიიღო.

როგორც ირკვევა, კატალონიური კლუბი ფრენკისთან ახალ კონტრაქტს გააფორმებს, რომლის მიხედვითაც, ის "ბარსას" საკუთრებაში 2029 წლამდე დარჩება.

თავის მხრივ, 26 წლის ნახევარმცველსაც "ბარსელონას" რიგებში დარჩენა სურს.

აქვე გეტყვით, რომ დე იონგს "ბლაუგრანასთან" ამჟამინდელი კონტრაქტი 2026 წელს ეწურება.