"ბარსელონამ" ზაფხულში სერხი ალტიმირას "ბეტისში" ტრანსფერის ჩაშლა სცადა, - იუწყება ფაბრიციო რომანო.

22 წლის ნახევარმცველი სევილიურ კლუბს აგვისტოში, "ხეტაფედან" შეუერთდა. ანდალუსიელებმა სერხის სანაცვლოდ 2 მილიონი ევრო გადაუხადეს.

რომანოს თქმით, "ბარსას" მაშინდელი სპორტული დირექტორი, მატეუ ალემანი მზად იყო, რომ ალტიმირას გამოსასყიდი თანხა გადაეხადა, მაგრამ ფეხბურთელს უკვე "ბეტისი" ჰქონდა არჩეული.

სერხი ამპლუით ცენტრალური ნახევარმცველია. თუ პირველ გუნდში ფერმინ ლოპესის გამოჩენას გავითვალისწინებთ, ალბათ, "ბარსაში" დიდად გულიც არ სწყდებათ.

აქვე გეტყვით, რომ ლა ლიგის მიმდინარე სეზონში ალტიმირამ მონაწილეობა 3 მატჩში მიიღო.