რამდენიმე წუთის წინ ოფიციალურად დადასტურდა, რომ მადრიდის "რეალის" უკანახაზელი, ნაჩო ფერნანდესი 3-მატჩიანი დისკვალიფიკაციით დაისაჯა.

ეს სასჯელი ესპანელ ფეხბურთელს "ჟირონასთან" მატჩში მიღებული წითელი ბარათის გამო შეეფარდა.

ნაჩოს 3-თამაშიანი გამოკლება ნიშნავს იმას, რომ იგი "სამეფო კლუბს" ვერც სეზონის პირველ "ელ კლასიკოში" დაეხმარება.

ცხადია, მადრიდული გრანდის აღზრდილი ფეხბურთელის არყოფნა კარლო ანჩელოტის დაცვის ხაზში არჩევანს გვარიანად შეუზღუდავს.

აქვე გეტყვით, რომ "ბარსელონა" და "რეალი" ერთმანეთს 29 ოქტომბერს დაუპირისპირდებიან.