როგორც მოგეხსენებათ, "ბარსელონამ" ჩემპიონთა ლიგის ჯგუფური ეტაპის მეორე ტურში პორტუგალიური "პორტუ" დაამარცხა, ანგარიშით 1:0.

"დრაგაუზე" ჩატარებული მატჩის ერთადერთი გოლი ფერან ტორესის ანგარიშზეა. თამაშში ტრავმირებული რობერტ ლევანდოვსკის ნაცვლად ჩართულმა ესპანელმა თავი პირველი ტაიმის კომპენსირებულ დროში გამოიჩინა.

შეხვედრის ბოლო 10 წუთი "ლურჯ-ბროწეულისფრებმა" რიცხობრივ უმცირესობაში გაატარეს, რადგან პაბლო გავიმ ტრავმა მიიღო.

მიუხედავად ყველა ხელისშემშლელი ფაქტორისა, გამარჯვება მაინც "ბლაუგრანას" დარჩა, რაც ჩავი ერნანდესმაც აღნიშნა.

"დღეს თქვენ 3 უმძიმესი ქულა აიღეთ," - უთქვამს მთავარ მწვრთნელს ფეხბურთელებისთვის.

აქვე გეტყვით, რომ ჩემპიონთა ლიგის ჯგუფში მომდევნო მატჩს კატალონიელები დონეცკის "შახტარის" წინააღმდეგ, შინ გამართავენ.