როგორც მოგეხსენებათ, "ბარსელონამ" გუშინ "გრანადასთან" ქულები გაიყო. კატალონიელები სტუმრად გამართულ მატჩში ორბურთიანი სხვაობით აგებდნენ, თუმცა საბოლოო ანგარიშად 2:2-ის დაფიქსირება მოახერხეს.

ჩავი ერნანდესი "გრანადას" თავის სამწვრთნელო კარიერაში მეორედ დაუპირისპირდა და მისი დამარცხება ვერც ამჯერად მოახერხა.

აქამდე "მაესტრო" ანდალუსიელებს ერთხელ შეხვედრილა - 2021 წლის იანვარში გუნდებმა ფრე, 1:1 ითამაშეს. "ბლაუგრანას" ერთადერთი გოლი ლუუკ დე იონგმა გაიტანა.

ლა ლიგის მეორე გუნდი, რომელიც ჩავის მწვრთნელის რანგში ჯერ არ დაუმარცხებია, "რაიო ვალეკანო" გახლავთ. სტატისტიკა აქ კიდევ უფრო დამთრგუნველია: 2 წაგება, 1 ფრე.

ამ სეზონში "ბარსას" თავკაცს ორივე ნავსის გატეხვის შანსი მიეცემა, ამიტომ იმედი ვიქონიოთ, რომ იგი ამას მოახერხებს.