"ბარსელონა" 2019 წელს მარკუს რაშფორდის გაფორმებასთან ძალიან ახლოს იყო, - წერს Mundo Deportivo.

ინგლისელ თავდამსხმელს "ბლაუგრანასთან" ჯერ წინასწარი კონტრაქტი უნდა გაეფორმებინა, რის საფუძველზეც გუნდს 2020 წელს შეუერთდება.

მიუხედავად ამისა, მარკუსმა ბოლოს მაინც "მანჩესტერ იუნაიტედში" დარჩენა გადაწყვიტა. ინგლისელმა "წითელ ეშმაკებთან" გაახანგრძლივა კონტრაქტი, რადგან "ბარსაში" გადაბარგებისთვის თავს მზად არ მიიჩნევდა.

რაშფორდი მაშინ სულ 22 წლის გახლდათ და ბუნებრივია, ახალი გამოწვევების მიღებას უფრთხოდა.

"ემიუს" ათიანი "ბარსას" ხვალ, თბილისის დროით 21:45 საათიდან დაუპირისპირდება.

აქვე გეტყვით, რომ რაშფორდი კატალონიელთათვის მთავარ ხიფათს წარმოადგენს. მიმდინარე სეზონში მის ანგარიშზე 21 გოლი და 8 საგოლე გადაცემაა.