2024 წლის ზაფხულამდე ჯერ ძალიან შორია, თუმცა, როგორც ჩანს, "ბარსელონაში" მისი დაგეგმვა უკვე დაიწყეს.

Mundo Deportivo-ს ინფორმაციით, კატალონიური გრანდი ზაფხულის სატრანსფერო ფანჯარას 4 პოზიციის გასაძლიერებლად გამოიყენებს. ეს პოზიციებია:

მარჯვენა მცველი

მარცხენა მცველი

საყრდენი ნახევარმცველი

ცენტრალური ნახევარმცველი

როგორც ხედავთ, პრიორიტეტები დიდად არ შეცვლილა. "ბარსა" 4-დან 3 პოზიციის ფეხბურთელს გასულ ზაფხულსაც დაეძებდა, მარცხენა მცველის მოყვანის საჭიროება კი პირველად გაჩნდება. ამის მიზეზი ისაა, რომ მარკოს ალონსოს კლუბი კონტრაქტს აღარ გაუხანგრძლივებს. იგივე ითქმის სერხი რობერტოზეც, რაც გუნდს ჟოაუ კანსელუს ამარა დატოვებს (თუ, რა თქმა უნდა, კლუბი კანსელუს გამოსყიდვას შეძლებს).