როგორც მოგეხსენებათ, კატალონიის “ბარსელონა” ევროპა ლიგის 1/16 ფინალში “მანჩესტერ იუნაიტედს” დაუპირისპირდება.

შეხვედრის წინ “ბარსელონას” ბრაზილიელმა ფეხბურთელმა, რაფინიამ ჟურნალისტების შეკითხვებს უპასუხა:

“რთულ თამაშს ველოდები, მაგრამ ეს ერთ-ერთი საუკეთესო მოტივაციაა სათამაშოდ. იმედი მაქვს კარგი თამაში გამოვა. რთული მეტოქეა, მაგრამ ვიცით, რა უნდა გავაკეთოთ იმისათვის, რომ გავიმარჯვოთ.” - განაცხადა ბრაზილიელმა ვინგერმა.

ცნობისთვის, “ბარსელონასა” და “მანჩესტერ იუნაიტედის” დაპირისპირება 16 თებერვალს თბილისის დროით 21:45 საათზე დაიწყება.