ესტანის პედროლა ამიერიდან გენუის "სამპდორიას" ფეხბურთელია, - იუწყება ფაბრიციო რომანო.

ახალგაზრდა ესპანელი "სამპაში" "ბარსელონადან" გახლდათ განათხოვრებული, მაგრამ იმისთვის, რომ იჯარა პერმანენტულ ტრანსფერად გარდაქმნილიყო, მას იტალიურ გუნდში 10 მატჩი უნდა ჩაეტარებინა. ამ ნიშნულს ესტანისმა უკვე მიაღწია.

20 წლის გარემარბის სანაცვლოდ "ბარსა" 3 მილიონ ევროს მიიღებს.

გარდა ამისა, კატალონიელები 2025 წლამდე შეინარჩუნებენ პედროლას 7 მილიონ ევროდ გამოსყიდვის უფლებას. კლუბი ასევე იბევებს მისი მომდევნო ტრანსფერიდან თანხის 50%-ს.

"სამპდორიას" მაისურით ჩატარებულ 10 მატჩში ესტანისს 3 გოლი აქვს გატანილი.

ცნობისთვის, "ბარსას" პირველ გუნდში პედროლამ სულ 10 წუთი ითამაშა. ეს 2022 წლის დასაწყისში, "მალიორკას" წინააღმდეგ მოხდა.