"ბარსელონა" უკვე მუშაობს იმაზე, რომ მარკ გიუმ დონეცკის "შახტართან" თამაში შეძლოს, - იუწყება ტონი ხუანმარტი.

17 წლის შემტევი ჩემპიონთა ლიგის განაცხადში არ მოხვედრილა, თუმცა "ლურჯ-ბროწეულისფერთ" სხვა გზაც მოეპოვებათ.

კლუბს შეუძლია, რომ გიუ B განაცხადში ჩასვას, რომელიც უეფას მატჩამდე ზუსტად 24 საათით ადრე უნდა გადაეგზავნოს.

ჟერარ რომეროს ცნობით, კატალონიიურ გრანდს ამის მოსწრება არ გაუჭირდება.

მარკმა დღესაც პირველ გუნდთან ივარჯიშა, რაც გვაფიქრებინებს, რომ იგი ჩავის განკარგულებაში დარჩება.

ცნობისთვის, "შახტარს" "ბარსელონა" ოთხშაბათს, თბილისის დროით 20:45 საათიდან დაუპირისპირდება.