"ბარსელონა" კვლავ აგრძელებს პოტენციურ თავისუფალ აგენტებზე დაკვირვებას. როგორც ჩანს, დეკომ კიდევ ერთ კანდიდატურას მიაგნო.

SPORT-ის ინფორმაციით, "ლურჯ-ბროწეულისფერთა" სპორტულმა დირექტორმა თვალი ფრანგული "ლილის" 23 წლის, ტიაგო ჯალოს დაადგა.

მაღალი და სწრაფი ჯალო ბურთის ამოტანის უნარითაც გამოირჩევა. "ლილთან" კონტრაქტი ტიაგოს მომდევნო ზაფხულს ეწურება, რაც "ბლაუგრანას" ყურადღებას იქცევს.

"სპორტინგის" აღზრდილ უკანახაზელს დეკუ სწორედ პორტუგალიიდან იცნობს. მისი რწმენით, ჯალო "ბარსასთვის" კარგი დანამატი იქნება.

"მასტიფების" მცველით მილანის "ინტერიცაა" დაინტერესებული. სხვათა შორის, პორტუგალიელი მილანში უკვე თამაშობდა, თუმცა "როსონერიში" მისი კარიერა წარმატებულად ნამდვილად არ განვითარდა.