ფლორენტინო პერესი "ელ კლასიკოს" არ დაესწრება, - იუწყება Marca.

"რეალის" პრეზიდენტის მიერ "ბარსელონასთან" გასამართი მატჩის ბოიკოტირების მიზეზი არა ნეგრეირას საქმე, არამედ "ბლაუგრანას" დირექტორთა საბჭოს სპიკერის მოადგილის, მიკელ კამპსის საქციელია.

"ეს რასიზმი არ არის. ის სილის გაწვნას იმსახურებს, რადგან მასხარა და პროვოკატორია. 

რას წარმოადგენს ეს უაზრო დრიბლინგები, რომლებიც მოედნის ცენტრში ხორციელდება," - ასეთი რამ დაწერა კამპსმა "სამეფო კლუბის" ბრაზილიელ ვარსკვლავზე, ვინისიუსზე, მოგვიანებით კი პოსტი წაშალა.

რაც პერესს აბრაზებს, ის ფაქტია, რომ კამპსის ამ ქმედებას "ბლაუგრანადან" რეაგირება არ მოჰყოლია.

შეგახსენებთ, რომ "ელ კლასიკო" 28 ოქტომბერს, თბილისის დროით 18:15 საათზე დაიწყება.