"ბარსელონას" დღევანდელ სავარჯიშო სესიაში მონაწილეობა რაფინიამაც მიიღო.

Relevo-ს ინფორმაციით, ბრაზილიელმა გარემარბი სესიის ნახევრის განმავლობაში დაიტვირთა. შანსი იმისა, რომ მან "რეალის" წინააღმდეგ გასამართ მატჩში მიიღოს მონაწილეობა, ნამდვილად არსებობს.

რაც შეეხებათ სხვა ტრავმირებულებს, რობერტ ლევანდოვსკი, პედრი, ფრენკი დე იონგი და სერხი რობერტო კვლავ ინდივიდუალურად აგრძელებენ ვარჯიშს.

თუ რომელიმე მათგანი ხვალინდელ ვარჯიშზე გუნდს შეუერთდება, მათი "კლასიკოში" ხილვის ალბათობაც გაიზრდება.

შეგახსენებთ, რომ "ბარსა" და "რეალი" ერთმანეთს 28 ოქტომბერს, თბილისის დროით 18:15 საათიდან დაუპირისპირდებიან.