რობერტ ლევანდოვსკის ძალიან უნდა, რომ "რეალთან" მატჩის განაცხადში მოხვდეს, - იუწყება Relevo-ს ჟურნალისტი, ტონი ხუანმარტი.

კლუბში აღიარებენ, რომ პოლონელი გოლეადორი 100%-ით მზად არ არის.

მიუხედავად ამისა, წყაროს თანახმად, რობერტს "კლასიკოში" შეიძლება 15-20 წუთი მაინც მიეცეს.

Diario As-ს თუ დავუჯერებთ, საერთოდ არაა გამორიცხული, 35 წლის ცენტრფორვარდი სასტარტო შემადგენლობაში მოგვევლინოს.

ჟურნალისტი ხავი მიგელი აღნიშნავს, რომ ხვალ ლევანდოვსკიმაც და ფრენკი დე იონგმაც გუნდთან ერთად უნდა ივარჯიშონ.  თუ მათ ეს უმტკივნეულოდ მოახერხეს, "კლასიკოს" განაცხადშიც მოხვდებიან.

ცნობისთვის, ესპანური გრანდების ჯახი შაბათს, 18:15 საათზე დაიწყება.