"ბარსელონას" "მანჩესტერ იუნაიტედთან" გასამართი მატჩიდან 4 მილიონი ევროს გამომუშავება შეუძლია, - იუწყება როხერ ტორელო.

Mundo Deportivo-ს ჟურნალისტის თქმით, პრემიერლიგურ გრანდთან შეხვედრამ ბარსელონაში დიდი აჟიოტაჟი გამოიწვია. ქალაქი "ემიუსთან" შესახვედრად ემზადება.

კატალონიაში ჩასულნი არიან "წითელი ეშმაკების" გულშემატკივრებიც, თუმცა ყველა მათგანი "კამპ ნოუზე" ვერ მოხვდება.

"ბარსამ" ყველაფერი გააკეთა, რათა გასულ სეზონში "აინტრახტთან" მატჩში მომხდარი ფაქტი, როცა "ლურჯ-ბროწეულისფერთა" სტადიონზე მეტოქე გუნდის ქომაგთა რაოდენობა მოსალოდნელზე გაცილებით დიდი გახლდათ, აღარ განმეურებოლიყო.

მანჩესტერელებს სულ 4255 ბილეთი გადაეცათ.

შეგახსენებთ, რომ ევროპა ლიგის 1/16-ფინალური ეტაპის პირველი მატჩი თბილისის დროით 21:45 საათზე დაიწყება.