ხვალ მსოფლიო ფეხბურთის ერთ-ერთი უმთავრესი დაპირისპირების მორიგი ეპიზოდი გველოდება - "ბარსელონა" შინ მადრიდის "რეალს" მიიღებს და ლა ლიგის ცხრილში გალიდერებას ეცდება.

მატჩამდე რამდენიმე საათი რჩება, იქამდე კი Tribuna.com-მა ესპანური გრანდების კომბინირებული თერთმეტეული შემოგვთავაზა, რომელიც ასე გამოიყურება:

მეკარე: მარკ-ანდრე ტერ შტეგენი

დაცვა: ალეხანდრო ბალდე, დავიდ ალაბა, რონალდ არაუხო, ჟოაუ კანსელუ

ნახევარდაცვა: ვინისიუსი, ჯუდ ბელინგემი, ორელიენ ჩუამენი, პაბლო გავი, ლამინე იამალი

თავდასხმა: რობერტ ლევანდოვსკი

შემადგენლობაში ტიბო კურტუას, ჟიულ კუნდესა და ფრენკი დე იონგის არყოფნა მათ ტრავმებს უნდა დავაბრალოთ. ვებსაიტმა მხოლოდ ის მოთამაშეები გაითვალისწინა, რომელთა ხვალინდელ შეხვედრაში მონაწილეობა შესაძლებელია.