როგორც მოგეხსენებათ, "ბარსელონამ" მადრიდის "რეალთან" დასანანი მარცხი განიცადა, ანგარიშით 1:2.

კატალონიელები პირველ ტაიმში ილქაი გიუნდოგანის გოლით დაწინაურდნენ, მაგრამ "სამეფო კლუბს" მხსნელად ჯუდ ბელინგემი მოევლინა. ინგლისელმა ნახევარმცველმა დუბლი შეუსრულა.

სხვათა შორის, ბელინგემსსა და "ბლაუგრანას" 19 წლის შუახაზელს, პაბლო გავის შორის სიტუაცია ერთ მომენტში დაიძაბა.

"ჰეი, ბავშვო, აღარ ჩამარტყა! ზედიზედ 4-ჯერ ჩამარტყი," - უთქვამს ჯუდს პაბლოსთვის.

შეგახსენებთ, რომ "რეალმა" "ბარსელონასთან" ამ გამარჯვებით 4-ქულიანი უპირატესობა მოიპოვა.