France Football-ი უკვე შეუდგა 2023 წლის ოქროს ბურთის ფინალისტთა ადგილების მიხედვით დასახელებას.

რამდენიმე წამის წინ ფრანგულმა გამოცემამ მე-14 ადგილზე გასული ფეხბურთელი გვამცნო და იგი "ბარსელონას" ნახევარმცველი, ილქაი გიუნდოგანია.

მალევე შევიტყვეთ ისიც, რომ მე-12 პოზიცია დაიკავა რობერტ ლევანდოვსკიმ.

გერმანელი შუახაზელითა და პოლონელი თავდამსხმელით "ბლაუგრანას" წარმომადგენელთა სია 30 ფინალისტს შორის, ამოიწურა.

შეგახსენებთ, რომ ილქაიმ, "მანჩესტერ სიტისთან" ერთად, გასულ სეზონში ტრიპლეტი მოიგო და 3-ვე ტრიუმფში ერთ-ერთი საკვანძო როლი ითამაშა.

რაც შეეხება რობერტს, მან ლა ლიგისა და ესპანეთის სუპერთასის თასები აღმართა, ინდივიდუალურ დონეზე კი პიჩიჩის ჯილდო მოიგო.