France Football-ის გალადაჯილდოებაზე 2023 წლის კოპას ჯილდოს მფლობელი დაასახელეს. შეგახსენებთ, რომ ხსენებულ პრიზს 21-წლამდე ფეხბურთელები იღებენ ხოლმე.

წლევანდელ ტრიუმფატორად მადრიდის "რეალის" ინგლისელი ნახევარმცველი, ჯუდ ბელინგემი დასახელდა.

"ბარსელონას" მხრიდან ნომინირებულნი იყვნენ პედრი (მე-3 ადგილი), პაბლო გავი (მე-5 ადგილი) და ალეხანდრო ბალდე (მე-7 ადგილი).

აქვე შეგახსენებთ, რომ 2021 წლის კოპას ჯილდო სწორედ პედრი გონსალესს აქვს მოგებული, ხოლო 2022 წლის ჯილდო - პაბლო გავის.