როგორც მოგეხსენებათ, "ბარსელონა" ხვალ ლა ლიგის მე-12 სეზონის მატჩს ჩაატარებს და გასვლაზე "რეალ სოსიედადს" დაუპირისპირდება.

დღევანდელ პრესკონფერენციაზე "ლურჯ-ბროწეულისფერთა" თავკაცს, ჩავი ერნანდესს შეკითხვა "ჩური ურდინის" იაპონელი ვარსკვლავის, ტაკეფუსა კუბოს შესახებ დაუსვეს.

"კუბო ერთ-ერთი იმ ფეხბურთელთაგანია, რომლებიც "სოსიედადისთვის" განსხვავებას ქმნიან. მას ფიქრის საშუალება არ უნდა მივცეთ. 

ტაკეფუსა ძალიან, ძალიან მაღალი დონის მოთამაშეა," - თქვა ჩავიმ.

მიმდინარე სეზონში 22 წლის გარემარბმა 13 შეხვედრაში მიიღო მონაწილეობა, სადაც 5 გოლითა და 3 საგოლე გადაცემით გამოირჩა. გემახსოვრებათ, რომ ტაკეფუსა "ლა მასიის" აღზრდილი გახლავთ.

რაც შეეხება ბასკურ-კატალონიურ ჯახს, ის ხვალ, თბილისის დროით 23:55 საათზე დაიწყება.