როგორც მოგეხსენებათ, "ბარსელონამ" ლა ლიგის მე-12 ტურში "რეალ სოსიედადი" დაამარცხა, ანგარიშით 0:1.

ბასკეთში ჩატარებული მატჩის უმეტესი ნაწილი სან-სებასტიანელთა უპირატესობით წარიმართა. "ჩური ურდინი" მეტოქეს სჯობდა და გაცილებით რეალური მომენტებიც ჰქონდა, მაგრამ გამარჯვება მაინც სტუმრებს დარჩათ.

რონალდ არაუხოს მიერ კომპენსირებულ დროში გატანილმა გოლმა "ბლაუგრანას" მოუტანა გამარჯვება, რომელზეც გუნდშიც თანხმდებიან, რომ დამსახურებული არ ყოფილა.

იმას, თუ რა ითქვა "ლურჯ-ბროწეულისფერთა" გასახდელში შეხვედრის დასრულების შემდეგ, Diario AS-ი გვთავაზობს.

"მადრიდის "რეალში" იტყოდნენ, რომ ეს ეპიკური გამარჯვება იყო," - უთქვამს "ბარსას" შემადგენლობის ერთ-ერთ წონად წევრს.

შეგახსენებთ, რომ "ბარსელონამ" "რეალთან" ჩამორჩენა 1 ქულამდე შეამცირა, მაგრამ "სამეფო კლუბს" მე-12 ტურის მატჩი ჯერ კიდევ ჩასატარებელი აქვს.