როგორც მოგეხსენებათ, "ბარსელონა" ხვალ ჩემპიონთა ლიგის ჯგუფური ეტაპის მე-4 ტურის მატჩს ჩაატარებს და ჰამბურგში დონეცკის "შახტარს" დაუპირისპირდება.

"ლურჯ-ბროწეულისფერთა" მთავარმა მწვრთნელმა, ჩავი ერნანდესმა მატჩისწინა პრესკონფერენციაზე მისი გუნდის მთავარ მიზანზე ისაუბრა.

"როგორც უკვე ვთქვი, პირველი მიზანი შემდეგ რაუნდში გასვლაა, მეორე ამოცანა კი - ჯგუფში პირველობა. ხვალ ძალიან კარგი შანსი გვაქვს.

საკუთარი დონე უნდა აღვიდგინოთ. თვითკრიტიკულები ვართ. ჩვენი იდენტობა უნდა გამოვავლინოთ და ამის კეთებას ხვალიდან დავიწყებთ. 

მატჩების მოგებას არსებითი მნიშვნელობა აქვს," - თქვა "მაესტრომ".

შეგახსენებთ, რომ "შახტარისა" და "ბარსას" მატჩი ხვალ, თბილისის დროით 21:45 საათზე დაიწყება.