ცნობილი ესპანური სააგენტოს, Jijantes-ის სპორტული ჟურნალისტის, ალბერტ როხეს მიერ გავრცელებული ინფორმაციის თანახმად, “ბარსელონა” 16 წლის მალელი ფეხბურთელის, იბრაჰიმ დიარას შეძენით ინტერესდება.

იბრაჰიმ დიარა Africa Foot-ის აკადემიის აღზრდილი გახლავთ. იგი შემტევი ნახევარმცველია, რომელსაც მარჯვენა გარემარბის პოზიციაზეც შეუძლია თამაში. მისი მთავარი პლიუსები დარტყმა, დრიბლინგი და გამთამაშებლობაა.

“ბარსელონა” FIFA-ს წესების თანახმად, დიარას შეძენას 2024 წლის ზაფხულამდე ვერ მოახერხებს.

საქმე იმაშია, რომ “ბლაუგრანა” ტრანსფერის განსახორციელებლად დიარას გასრულწლოვანებას უნდა დაელოდოს.

ცნობისთვის, იბრაჰიმმა “ბარსელონას” 19-წლამდე გუნდთან ერთად ვარჯიში მოასწრო. მისი ტრანსფერი პრაქტიკულად გადაწყვეტილია.