8 თვის წინ
როგორი იქნებოდა "ბარსას" სასტარტო XI დიასთან ერთად
როგორი იქნებოდა "ბარსას" სასტარტო XI დიასთან ერთად

როგორც მოგეხსენებათ, "ლივერპულის" კოლუმბიელი ვარსკვლავის, ლუის დიასის მამამ გუშინ განაცხადა, რომ "ბარსელონაში" თამაში მისი შვილის ოცნებაა.

ამას Tribuna.com-ი გამოეხმაურა და შემოგთავაზა დიასის "ბლაუგრანას" სასტარტო თერთმეტეულში ჩასმის ამსახველი სურათი.

26 წლის გარემარბი აქ შეტევის მარცხენა ფლანგზეა გამწესებული. მარჯვნიდან ლამინე იამალი შეუტევს, ცენტრფორვარდის პოზიციაზე კი რობერტ ლევანდოვსკი იქნება.

ცხადია, ტრანსფერის განსახორციელებლად მხოლოდ დიასის მოწადინება არ იქნება საკმარისი. "ლივერპულში" ლუისი საკმაოდ მნიშვნელოვანი ფიგურაა, ამიტომ წითლები მას შესაბამის თანხადაც შეაფასებენ. კატალონიელთა ფინანსურ შესაძლებლობებს თუ გავითვალისწინებთ, ამ თანხის გადახდა პრობლემური უნდა იყოს.


Facebook კომენტარები