პაბლო გავის უმძიმესმა ტრავმამ "ბარსელონა" ნახევარმცველის დამატების საჭიროების წინაშე დააყენა.

Mundo Deportivo-ს ინფორმაციით, თუ "ბლაუგრანა" მართლაც გადაწყვეტს, შუა ხაზის გაძლიერებას, კლუბს რამდენიმე ვარიანტი აქვს:

ჯოვანი ლო ჩელსო (ტოტენჰემი)

ფაბიან რუისი (პსჟ)

კარლოს სოლერი (პსჟ)

პაბლო ფორნალსი (ვესტ ჰემი)

ტიაგო ალკანტარა (ლივერპული)

ალკანტარას "ბარსაში" დაბრუნების შესაძლებლობაზე წერს Sport-ის ჟურნალისტი, ჟორდი ხილიც. 30 წლის ფეხბურთელს "წითლებთან" კონტრაქტი სეზონის ბოლოს ეწურება, ამიტომ მისი იანვარში შეღავათიან ფასად დამატება სავსებით რეალური უნდა იყოს. 

ტიაგო "ლურჯ-ბროწეულისფერთა" ამჟამინდელი მთავარი მწვრთნელის, ჩავი ერნანდესის თანაგუნდელიც გახლდათ, რაც გვაფიქრებინებს, რომ მხარეები თანამშრომლობის აღდგენის წინააღმდეგნი არ უნდა იყვნენ.