"ბარსელონას" მთავარმა მწვრთნელმა, ჩავი ერნანდესმა მნიშვნელოვანი გადაწყვეტილება უნდა მიიღოს. "მაესტროს" პაბლო გავი 9 თვით დააკლდა, რაც იმას ნიშნავს, რომ სასტარტო შემადგენლობაში იგი ვინმემ უნდა ჩაანაცვლოს.

Diario AS-ს თუ დავუჯერებთ, "ლურჯ-ბროწეულისფერთა" თავკაცმა არჩევანი უკვე გააკეთა.

წყაროს თანახმად, არაა გამორიცხული, რომ ჩავიმ ნახევარდაცვაში რაფინია ჩაწიოს.

ეს ამ სეზონში უკვე ვნახეთ. მაგალითად, "ბეტისთან" მატჩში, რომელიც "ბარსამ" ხუთბურთიანი სხვაობით მოიგო, ბრაზილიელმა სწორედ ნახევარმცველად ითამაშა.