Mundo Deportivo-ს ინფორმაციით, "ბარსელონამ" ლა ლიგისგან მიიღო ნებართვა, რომ ვიტორ როკე იანვრის სატრანსფერო ფანჯარაზე დაირეგისტრიროს.

ბრაზილიელი თავდამსხმელი "ბლაუგრანაში" 6-თვიანი იჯარით მოდის. ამის მიზეზი ისაა, რომ მასსა და კლუბს შორის გაფორმებული კონტრაქტი 2024 წლის ივლისიდან უნდა ამოქმედდეს.

როკეს დარეგისტრირება იმიტომ ხდება შესაძლებელი, რომ "ბარსა" პაბლო გავის რეგისტრაციას გააუქმებს. ესპანელი ნახევარმცველი თამაშს მომდევნო სეზონიდან შეძლებს - მომდევნო სეზონში კი მისი ახალი კონტრაქტი სატრანსფერო ფეარ-პლეის არსებული წესებით იქნება რეგისტრირებული.

რაც შეეხება იანვარში ნახევარმცველის დამატებას, ეს "Barca Studio-ს" წილის გაყიდვით გამომუშავებული 40 მილიონი ევროს დროულად მიღებაზე იქნება დამოკიდებული.