"ბარსელონამ" პორტუგალიური "პორტუს" დამარცხებით ჩემპიონთა ლიგის მერვედფინალში ასპარეზობის უფლება მოიპოვა. გარდა ამ მიღწევისა, გუშინდელმა გამარჯვებამ კატალონიელებს ფინანსური ხეირიც მოუტანა.

Mundo Deportivo-ს ინფორმაციით, "ბლაუგრანამ" წუხელ 12.4 მილიონი ევრო გამოიმუშავა:

2.8 მილიონი ევრო ჯგუფურ ეტაპზე მატჩის მოგებისთვის

9.6 მილიონი ევრო მერვედფინალში გასვლისთვის

საბოლოო ჯამში, ჩემპიონთა ლიგის მიმდინარე გათამაშებაში კლუბს უკვე 70 მილიონ ევროზე მეტი თანხა აქვს მოხვეჭილი.

მონაგარის გაზრდა "ლურჯ-ბროწეულისფერთ" ჩემპიონთა ლიგის ჯგუფური ეტაპის ბოლო ტურშიც შეეძლებათ. თუ ისინი ბელგიურ "ანტვერპენს" მოუგებენ, ბიუჯეტს კიდევ 2.8 მილიონი ევროთი შეავსებენ.