"ბარსელონასა" და "პორტუს" შორის გუშინ გამართულ მატჩში ისეთი რამ დაფიქსირდა, რაც ბოლო 21 წლის განმავლობაში არ იყო მომხდარი.

საქმე იმაში მდგომარეობს, რომ "ლურჯ-ბროწეულისფერთა" სასტარტო თერთმეტეულში წუხელ 1 კატალონიელი ფეხბურთელიც კი არ გახლდათ. 

უკანასკნელად მსგავსი შემთხვევა 2002 წლის აპრილში დაფიქსირებულა.

2002 წლის აპრილიდან 2023 წლის ნოემბრამდე "ბარსამ" ჩემპიონთა ლიგაზე 216 მატჩი ითამაშა. 216-ივეში გუნდის ძირითად შემადგენლობაში 1 კატალონიელი მაინც ფიგურირებდა.

შეგახსენებთ, რომ კატალონიელთა არყოფნას "ბარსელონასთვის" "პორტუს" დამარცხებაში ხელი არ შეუშლია. ჩავის გუნდმა ჩემპიონთა ლიგის მერვედფინალის საგზურიც გაინაღდა.