ჟოაუ კანსელუს მიერ "პორტუსთან" ჩატარებულმა მატჩმა ესპანური პრესა ააფეთქა. 

"ბარსელონას" პორტუგალიელი ფლანგელის შესახებ საინტერესო ცნობებს ავრცელებს Diario AS-ის ჟურნალისტი, ხავი მიგელი.

წყაროს თანახმად, "ბლაუგრანას" ფეხბურთელები კანსელუთი აღფრთოვანებულები არიან. გასახდელში ამბობენ, რომ 28 წლის ფეხბურთელი "მებრძოლი ცხოველია".

"ის არასდროს იღლება, ნამდვილი ათლეტია!" - უთქვამთ "ბარსას" ფიზმომზადების მწვრთნელებს. ჟოაუ სრული ინტენსივობით ვარჯიშობს, მოედანზე ყველაფერს ტოვებს და ძალებსაც ყველაზე სწრაფად იღდგენს.

შეგახსენებთ, რომ კანსელუ "ბარსელონას" "მანჩესტერ სიტიდან" მშრალი იჯარით ჰყავს წაყვანილი. "ლურჯ-ბროწეულისფერთა" მაისურით ჩატარებულ 16 მატჩში ჟოაუს მონაგარი 3 გოლი და 2 ასისტია.