"ბარსელონა" იანვარში ჟოაუ ფელიქსისა და ჟოაუ კანსელუს გამოსყიდვის ოპერაციების შემდეგ ეტაპზე გადაყვანას ეცდება, - იუწყება Mundo Deportivo-ს ჟურნალისტი, ფერნანდო პოლო.

მადრიდის "ატლეტიკო" 24 წლის თავდამსხმელს 80 მილიონ ევროდ აფასებს, "ბლაუგრანას" კი ამ თანხის 40 მილიონ ევრომდე შემცირება სურს.

რაც შეეხება კანსელუს, "მანჩესტერ სიტი" 29 წლის ფლანგელს 25 მილიონ ევროდ გაყიდის. "ლურჯ-ბროწეულისფერნი" 15 მილიონის გადახდისთვის არიან მზად.

სხვათა შორის, განიხილება ისიც, რომ "როხიბლანკოს" კატალონიურმა გრანდმა რომელიმე ფეხბურთელიც შესთავაზოს. "ატლეტიკოს" ჩავის გუნდიდან მოთამაშეებს ხშირად უკავშირებენ, ამიტომ ეს საერთო ინტერესის გამოძებნა პრობლემა არ უნდა იყოს.

ნებისმიერ შემთხვევაში, ორივე ჟოაუ აფიქსირებს, რომ უკან დაბრუნების სურვილი არ აქვს.