მარკ-ანდრე ტერ შტეგენს შეიძლება ოპერაციის გაკეთება დასჭირდეს, - იუწყება Sport.

გერმანელ მეკარეზე ქირურგიული ჩარევის გარეშე განხორციელებულმა მკურნალობამ შედეგი არ გამოიღო.

წყაროს თანახმად, 32 წლის კიპერს "ბარსას" სამედიცინო შტაბი ხვალ შეხვდება და გადაწყვეტილებაც სწორედ ამის შემდეგ იქნება მიღებული.

RAC1-ს თუ დავუჯერებთ, "ბარსელონას" მეკარე გუნდს 2 თვით გამოაკლდება. თუ ოპერაცია ჩატარდება, გოლკიპერის დაბრუნებას ჩემპიონთა ლიგის მერვედფინალური მატჩებისთვის უნდა ველოდოთ.

შეგახსენებთ, რომ მარკ-ანდრე გერმანიის ნაკრების შეკრებიდან ზურგის ტრავმით დაბრუნდა.