მადრიდის "ატლეტიკოდან" "ბარსელონაში" განათხოვრებულმა პორტუგალიელმა თავდამსხმელმა, ჟოაუ ფელიქსმა კატალონიურ-მადრიდული დაპირისპირების ერთადერთი გოლი გაიტანა და ჩავის გუნდს უმნიშვნელოვანესი გამარჯვება მოუტანა.

24 წლის თავდამსხმელისთვის ამ შეხვედრას განსაკუთრებული დატვირთვა ჰქონდა, რაც მოედანზე ყველაზე კარგად გამოჩნდა.

აი, რას წერს Mundo Deportivo ფელიქსის შესახებ:

"ატლეტიკო" გაოცებული დარჩა რამდენიმე რამით, რაც გუშინ ჟოაუმ გააკეთა. მისი გოლის აღნიშვნა, ჩხუბი ხიმენესთან და მეტოქისთვის ბურთის 6-ჯერ ართმევა, რაც მატჩში ყველაზე მაღალი მაჩვენებელი იყო. ამას იგი "ატლეტიკოში" არ აკეთებდა."

შეგახსენებთ, რომ ფელიქსი "ბარსაში" მშრალი იჯარითაა გაშვებული. "ლურჯ-ბროწეულისფერთა" მაისურით მან უკვე 5 გოლი გაიტანა.