"ბარსელონა" მადრიდის "ატლეტიკოსთან" ჟოაუ ფელიქსის თაობაზე დაიწყებს მოლაპარაკებებს, - იუწყება Mundo Deportivo-ს ჟურნალისტი ფერნანდო პოლო.

წყაროს თანახმად, "ბლაუგრანა" გეგმავს, რომ პორტუგალიელი თავდამსხმელის სანაცვლოდ კლუბს 30-40 მილიონი ევრო შესთავაზოს. თუ "როხიბლანკო" ამაზე უარს იტყვის, კატალონიური გრანდი 1-წლიან იჯარაზე იზრუნებს.

"ბარსა" ამ იჯარის საფასურს გადაიხდის, ფელიქსის ხელფასსაც დაფარავს და ფეხბურთელის 2025 წელს გამოსყიდვის უფლებას მიიღებს.

პოლო კიდევ ერთხელ აზუსტებს, რომ 24 წლის შემტევს მხოლოდ "ლურჯ-ბროწეულისფერთა" რიგებში სურს თამაში. ფელიქსის აგენტი, ჟორჟე მენდეში ამის უზრუნველსაყოფად მუშაობას უკვე შეუდგა.

შეგახსენებთ, რომ ჟოაუ "ბარსას" ერთწლიანი, მშრალი იჯარით შეუერთდა.

ჩავის გუნდში ფელიქსს უკვე 5 გოლი აქვს გატანილი.