კატალონიის "ბარსელონას" ფეხბურთელი, რონალდ არაუხო ბოლო დროს მიუნხენის "ბაიერნთან" არაერთხელ დააკავშირეს.

ამ საკითხზე ესპანურ მედიაში ახალი ინფორმაცია გავრცელდა.

როგორც ირკვევა, ურუგვაელმა მცველმა ამ მომენტისთვის "რეკორდმაისტერი" უარით გაისტუმრა და იანვარში ის გერამნულ კლუბს არ შეუერთდება.

ამასთანვე, ფეხბურთელის გარემოცვამ უარყო ის ცნობები, რომ 24 წლის მოთამაშემ მიუნხენელებისგან არაერთი სატელოფონო ზარი მიიღო.

აქვე უნდა ხაზი გავუსვათ იმასაც, რომ არაუხო ამ მომენტისთვის 100%-ით მხოლოდ "ბლაუგრანაზეა" კონცენტრირებული და არანაირ ტრანსფერზე არ ფიქრობს.

ცნობისთვის, რონალდს კატალონიელებთან ხელშეკრულება 2026 წლამდე აკავშირებს.